Nakakapagod ka na mahalin.

February 13, 2013

In the first place, bakit ko nga naman pinoprotektahan ang isang taong hindi naman sinusuklian ang pagmamahal na ibibigay ko? Bakit ko pa kailangan palagi na lang isaalang-alang ang kalagayan mo, ang posibleng maging kalagayan mo, at ang maayos na image mo sa madla gayong hindi mo naman iyon magawa din sa akin? Bakit ko ine-expect na sa akin ka lang sweet? Bakit ko gustong isipin na ako lang ang dali-dali mong tinutugunan ng favor. Perhaps, you really cannot and should not expect people to act in the way you want them to. Or, perhaps, ganito ang nagmamahal.

Dahil kapag nagmamahal ka, gusto mo protektahan ang taong mahal mo kasi ayaw na ayaw mo siyang mapahamak, kasi ayaw mo siyang masaktan ulit, kasi gusto mo lang na maranasan at maramdaman niya ang kagandahan na inihahandog ng mundo.

Dahil kapag nagmamahal ka, gusto mo maganda ang image niya sa mundo kasi ayaw na ayaw mong may nasasabing hindi maganda ang madla sa kanya. Dahil mahal mo siya, nasasaktan ka kapag may nasasabing masama ang madla sa kanya dahil alam mo na hindi naman siya ganong klaseng tao, hindi gaya ng tingin ng madla, dahil nakita mo na at naranasan mo na ang pagiging mabuting tao niya.

Dahil kapag nagmamahal ka, gagawin mo ang lahat na makakabuti para sa kanya. Hindi iyong tipong kung saan ka masaya, susuportahan kita. Dahil iniisip mo ang kapakanan  or ang welfare niya. Dahil nga minamahal mo siya.

Dahil kapag nagmamahal ka, hindi ka dapat nag-eexpect na kung gaano kalaki o kabigat ng pagmamahal na ibinibigay mo at kaya mo pang ibigay sa kanya ay ganon din niya iyon ibabalik sa iyo. Dahil kung nag-eexpect ka ng kapalit na pagmamahal, masasaktan ka lang at manghihinayang ka lang sa pagmamahal na ibinibigay mo dahil binigo ka lang niya at binigo din niya ang  iyong malikhain imagination.

Dahil kapag nagmamahal ka, hindi ka dapat nag-eexpect na kung paano mo siya minamahal ay sa ganong paraan ka rin niya kayang mahalin.

Dahil, marahil, ganito ang nagmamahal…

hindi naghihintay ng anumang kapalit

masakit

masakripisyo

matiisin

mapagpasensya

matagal…

kaya nga siguro, minamahal na kita… (matagal-tagal na)

Mahal na kita.

o baka… 

hindi rin…